CHAPTER 27

KINABUKASAN ay siya agad ang bumungad sa akin pagkalabas na pagkalabas ko pa lamang ng gate. Nakasandal siya sa kotse niya habang nakayuko at naka-krus ang kaniyang mga braso. Kusang ngumiti ang mga labi ko sa di malamang dahilan at lumapit sa kaniya. Bahagya kong hinila ang sleeve ng suot niyang polo para kunin ang atensyon niya. Tsk, wala na naman siyang suot na coat.

Nag-angat siya ng tingin sa akin at ngumiti nang makita ako. Nagulat pa ako nang bigla nalang siyang humalik sa pisngi ko at sinabing, "Good morning."

Nakagat ko ang ibabang labi para pigilan ang gustong lumabas na ngiti sa labi ko. Kapagkuwan ay tumikhim ako at deretsong tiningnan ang mga mata niya.

"Anong ginagawa mo rito?" tanong ko.

Kumunot ang kaniya noo at sinabing, "Sinusundo ka,  my queen." He then smiled again, aba at nawiwili yata siya sa kakangiti niya? Good mood siguro siya ngayon at mukhang hindi mainit ang ulo. Nag-iwas ako ng tingin sa kaniya upang itago ang ngiti