Chapter 47: Red Lingerie

Nang gabing iyon ay nasa kwarto lang si Glory at nagmumukmok, nakatakip pa siya ng kumot para lang wag mapansin ng mga anak na umiiyak siya. Ang sinasabi niya lang sa mga ito ay masama ang pakiramdam niya at gusto niyang matulog. Hindi niya kasi alam kung saan nagpunta si Ralph dahil umalis ito matapos nilang magkasagutan.

Tanging paghikbi niya lang ang naririnig niya ngunit biglang may nagbukas ng pinto ng kwarto, nagulat siya kung kaya’t tinanggal niya ang talakbong na kumot at pagtingin niya ay si Ralph pala iyon, nagtalakbong na lang siya ulit at hindi na ito pinansin pa ngunit tinanggal nito ang kumot.

“Ano ba?!” singhal ni Glory ngunit bakas na sa kanyang mukha ang pag kanina pa ay pag iyak at ang namumugto nitong mga mata.

“Hindi ka pa rin tapos sa pag iyak mo?! Damn it Glory, you’re being too emotional right now, ayaw mo bang makasama ang mga anak mo?! Pasalamat ka nga at binibigyan kita ng chance eh!” singhal ni Ralph na dismayadong napailing.

“Oo pero hindi ibig sabihin