DEEP WITHIN MISS COLD-HEARTED CEO'S HEART

CHAPTER 41

            Foundation day ng St. Bernadine Kindergarten School, kaya naman walang klase ang mga bata. Sa halip ay magkakaroon ng grand celebration sa paaralan dahil isasabay na rin ang blessing ng katatapos lamang na covered court. Imbitado ang lahat ng mga parents at guardians ganoon din ang iba pa nilang miyembro ng pamilya.

            Gusto kasi ng principal na maging masaya ang pagdiriwang kaya’t mahigpit niyang pinagbilinan ang mga adviser ng mga bata na gawin ang lahat ng makakaya upang marami ang magsidalo sa masayang okasyon na ito.

            Ang mga bata kasama ang kanilang mga guro ay naghanda rin ng mga presentasyon upang maipamalas sa kanilang mga magulang na hindi lamang ang akademikong kakayahan ng mga bata ang kanilang hinahasa sa paaralan kung hindi maging ang iba pa nilang natur