Chapter 38

Alas kwatro ng madaling araw ng magbyahe sila Arnel at Nicka pabalik ng Manila, kasabay ang mga kaibigan ni Arnel.

Alas otso naman na ng umaga ng maiparada na ni Arnel ang sasakyan sa garahe ng kanilang mansyon.

Bumaba agad si Arnel sa sasakyan at dumiretso sa itaas kung nasaan ang kwarto nito.

Si Nicka naman ay binitbit ang mga dala nila galing Baguio papasok sa bahay.

Saglit lang na nakapag-stay sa bahay ang lalaki. Naligo lamang ito at pagkababa nitong muli ay nakacorporate suit na at nagmamadaling lumabas ng bahay upang pumasok sa opisina.

Nagkatinginan silang dalawa at nagtanguan ng ulo ng magkasalubong sila sa entrance door.

Papasok si Nicka sa loob ng bahay dahil may binalikan ito sa loob ng sasakyan na pinamili nila sa Baguio na pampasalubong kina Jane at Lenny pati sa tiyahin niya, Palabas naman na si Arnel upang pumasok na sa kumpanya.

Hindi na nagpaalam pa si Arnel sa kanya dahil sa byahe pa lang nila pauwi ay napag- usapan na nila ang mga gagawin nilang dalawa sa maghapon.