Chapter 79

Nag iiyak si Nicka sa mga nalaman na plano ni Arnel sa kanila ng magiging anak n'ya. Alam niyang minahal talaga ni Arnel si Romary dahil sa mga kwento na rin sa kanya noon nila Jane at pati na rin ng ibang tao.

Ayaw niyang paniwalaan ang mga sinasabi sa kanya ni Romary dahil ramdam n'ya na minahal siyang talaga ni Arnel, pero ng mapanood niya ang video ay naglaho ang lahat ng tiwalang ibinigay n'ya kay Arnel.

Malaking factor na ang ginawang pagsisinungaling sa kanya ng lalaki at napatunayan sa kanya iyon ni Romary, na totoong may komunikasyon na ang dalawa at mas matindi pa ay nagkaayos na pala ang mga ito bilang mag asawa.

Pinaasa siya ni Arnel na magiging legal din ang relasyon nila para hindi niya iwan ito at may balak pa palang ihiwalay sa kanya ang pinagbubuntis niya kapag naipanganak na niya.

" Ang tanga mo Nicka, naniwala ka na may forever sa inyong dalawa, naniniwala ka sa pantasya na pwedeng maging legal ang isang kabet na kagaya mo. Ang gaga mo.., ang tanga- tanga mo..!!" na