25: REGAINED FEELINGS

Memories will fade but not the feelings.

Author's Pov:

Naramdaman ng binata ang mas paghihigpit ng yakap ni Shan sa kanya dahilan para mapatingin si Jake sa uluhan ni Shan na ngayo'y nakabaon sa kanyang leeg. Dahan-dahan ngunit wala sa sarili namang iniyakap ni Jake ang kanyang mga braso palibot kay Shan tsaka sinimulang suklayan ang buhok nito gamit ang kanyang mga daliri.

Sa buong buhay ng binata ay hindi niya naranasang yakapin siya ng kusa ni Shan kaya ganoon na lamang ang gulat niya nang yakapin siya ng dalaga.

"Alisin mo sila sa harapan ko." Maya-maya'y mahina, ngunit mababahidan ng awtoridad na pag-utos ni Shan kasabay ang dahan-dahan na pagkakalas sa yakapan nilang dalawa ni Jake.

Ang kanina'y nakabaon na ulo ni Shan sa leeg niya ngayon ay kaharap na ng binata at ang kanina'y mga brasong nakaakap sa binata ay ngayo'y wala na. Parang biglang nanghina at bumalik sa dati ang sigla ni Jake nang tanggalin ni Shan ang kanilang yakapa