50: JUSTICE

The game will never begin without a player.

Author's Pov:

"Si Mr. Hans? Lintek, kausap ko 'yan sa illegal shop!" Malutong na mura ni Jake na mukhang hindi maintindihan kung dapat bang matuwa dahil sa wakas ay kilala na nila kung sino ang may gawa ng lahat o dapat bang mainis dahil nasayang niya ang pagkakataong iyon na gantihan si Mr. Hans sa mga ginawa nito lalong-lalo na kay Shan.

"Siya rin ba ang sumaksak sa'yo, Shan? Pati 'yong humabol sa amin no'ng araw na may sumugod rin sa'yo, siya rin ba ang may utos noon?" Sunod-sunod na tanong ni Sofilia. Salubong ang mga kilay nito at malalim ang pagkunot ng noo tila gulong-gulo na sa nalalaman.

Inaasahan ng lahat ay masasagot na lahat ng katanungan nila sa kanilang sarili. Ang inaakala ng lahat ay mabubuo na nila ang puzzle na iniimahe nila. Ang akala nila'y tama ang naging hinuha at iniisip nila sa panghuhusgang ginawa sa pagkatao ni Mr. Hans base lamang sa pinakita at sinasabi ng mga ito, pero ang lahat ng iyon ay tila isa-isang nagpi