Chapter 20

REESE' POV

Nagising akong wala na si Sky sa tabi ko. Nasanay ako na sa tuwing umaga ay gigising ako at nasa tabi ko siya habang pinagmamasdan ako, saka lang siya babangon kung babangon na rin ako. Kahit malate pa siya sa trabaho niya ay okay lang sa kanya dahil sa akin. Hindi ko namalayan na tumulo na pala ang mga luha ko kaya agad kong pinunasan iyon. Kasalanan ko naman kasi, sinaktan ko na naman ang damdamin ni Sky. Napaka walang kwenta ko at hindi ako deserving para sa kanya.

Pagkatapos kong kumain ng almusal ay naisipan ko na lang na maglinis ng kwarto namin. Hindi ko na muna inabala pa si Manang Gina para tulungan ako. Pagkatapos kong maglinis ay nakita ko sa ilalim ng kama ang isang box ko kung saan naroon ang mga childhood photos ko. Umupo ako sa kama saka ito kinuha at binuksan.

Kinuha ko ang photo album ko kung saan nandito lahat ang mga pictures namin ni Ryu simula nung baby pa lang kami hanggang sa lumaki na kami. Napangiti ako nang makita ko an