Chapter 14

HINDI ALAM ni Syke kung bakit bigla siyang nainis sa dalaga, nadamay pa tuloy ang mga anak niya. Mukhang gustong gustong tikman ng mga ito ang carrot cake na gawa ni Wevz. At sa dinami-dami naman kase ng pwedeng i-bake ng dalaga, bakit carrot cake pa ang napili nitong i-bake?

Ang carrot cake ay nagdadala ng kakaibang ala-ala sa kanya. Kaya nga ayaw na niyang kumain ng cake na ito simula ng pumanaw ang kanyang asawa. Carrot cake is his favorite cake. And knowing that it is his favorite, Maridel took an effort to bake it with her own recipe. Pinag-aralan iyon ng kanyang asawa at hinding hindi niya makakalimutan ang kasiyahan sa mukha ng asawa ng sabihin niyang iyon ang pinaka-masarap na carrot cake na natikman niya.

"Talaga ba? Sigurado ka na ang carrot cake lang ang dahilan?" Tinig iyon mula sa kanyang isip.