Chapter 23

WALA SILANG IMIKAN ni Syke kanina sa sasakyan. Hindi rin niya mabasa kung ano ang iniisip nito. Naka-tutok lang ang paningin nito sa kalsada at nang makarating ng bahay ay inalalayan siyang makababa ng sasakyan.

At ngayon nga ay nasa tapat na sila ng kanyang silid. Hinarap niya ito, nakatingin lang ito sa kanya. Hindi pa rin niya mawari kung ano ang tumatakbo sa isipan ng lalaki.

"Goodnight." Aniya rito sabay talikod at akmang papasok na siya sa kanyang silid, nang bigla siyang hawakan ni Syke sa may pulsuhan.

Maang na napa-tingin siya sa lalaki, ngunit hindi naman ito nagsalita at nag-simula itong maglakad patungo sa lugar na tanging ito lang ang nakaka-alam kung saan. Nagpatangay lang siya rito, hanggang marating nila ang silid nito, hindi iyon masyadong malayo mula sa kanyang silid.