Chapter 26

Lexie’s POV

Kasalukuyan akong nandito ngayon sa hardin habang karga si baby Ethan, katatapos ko lang itong paliguan at ngayon ay naisipan kong ilabas ito ng bahay.

Sa nakalipas na ilang araw ay natutunan ko rin kung paano ito alagaan at malaki ang pasasalamat ko kay Martha dahil matiyaga akong tinuruan nito sa lahat ng bagay.

Masasabi kong mahirap pala ang mag-alaga ng bata lalo na sa mga tulad kong wala pang anak.

Habang naglalakad ay palihim kong pinag-aralan ang buong paligid ng mansion, pinag-iisipan ko kung saan ako maaaring dumaan sa oras na magkaroon ako ng pagkakataon na makatakas.

Mula sa gate ay may apat na bantay habang may tatlong bantay naman sa likuran ng bahay at dalawang lalaki na palitan na nagroronda sa buong paligid ng Mansion.

“Tsk, masyadong mahigpit ang seguridad kaya sigurado ako na mahirap para sa akin ang makatakas dito.

Mukhang matatagalan pa yata ako sa bahay na’to.” Anya sa aking isipan habang ipinaghehele si baby Ethan.

Napansin ko na aligaga sa paglil