Chapter 55

Cedric’s POV

Tahimik akong nakatungo habang nakapatong ang ulo ko sa magkasalikop kong mga kamay na nasa tapat ng aking noo. Sa kabila ng pagiging kalmado ay parang tinatambol naman ang dibdib ko dahil sa malakas na tibok ng puso ko.

Sino ba naman ang hindi matatakot at kakabahan kung ang buhay ng aking anak ang nanganganib na mawala.

Kasalukuyan akong nakaupo dito sa waiting area habang hinihintay ang paglabas ng doctor mula sa operating room.

Pagkatapos ng dalawang oras na paghihintay ay bumukas ang pintuan ng operating room at lumabas ang babaeng doctor.

Nagmamadali akong tumayo at lumapit sa kanya upang malaman ang kalagayan ng aking mag-ina.

“Mr. Hilton, you don’t need to worry, your child is safe.” Nang marinig ko ang sinabi ng doctor ay pakiramdam ko ngayon pa lang ako nakahinga ng maluwag.

“Oh my, thank you, God!” Ang piping usal ko, abot langit ang pasasalamat ko sa Diyos dahil sa magandang balita na aking narinig.

“But your wife still under observation, hinihintay pa namin