Chapter 27

Humihingal na kaming pareho nang pakawalan niya ang labi ko. Mapupungay ang kanyang mga mata habang nakatingin sa akin. Napalunok ako.

Napatingin ako sa namamasa niyang mga labi nang biglang para akong binuhusan nang malamig na tubig. Mabilis akong umalis sa kandungan niya. Hindi niya inaasahan ang ginawa ko kaya nabitiwan niya ako at nakalayo ako sa kanya.

Nasapo ko ang mukha ko habang umiiling. Naguguluhan ako sa nangyayari sa akin. Bakit ko ginawa iyon. Bakit ako tumugon sa halik niya? Bakit hinayaan kong matangay ako? "No, mali ito, mali ito," saad ko habang naiiyak na pero pinipigilan kong huwag pumatak ang luha ko.

Lalapit sana ito sa akin pero mabilis akong tumakbo palabas ng opisina nito. Kailangan kong makalayo sa kan'ya. Hindi ko dapat nararamdaman ang nararamdaman ko kapag nasa malapit siya.

Hindi dapat ako bumigay sa mga halik niya. Hindi ko dapat iyon tinugon. Pakiramdam ko napakamakasalanan ko dahil sa ginawa ko. Paano ko nagawang magpahalik sa isang lalaking alam kong