Chapter 54

Nang makapasok ako sa kwarto ko ay nagsimula akong ayusin ang mga gamit ko sa isang maleta. Wala naman akong masyadong gamit dito maliban sa mga damit ko kaya madali naigayak ang lahat. Kinulang lang ako sa lalagyan kaya huminto na ako.

Napatingin ako sa pintuan ng kwarto ko nang may kumatok doon.

"Pasok!"

Pumasok si Mikoy na agad napatingin sa mga gamit kong nasa ibabaw ng kama ko.

"Aalis kana talaga? As in?" nag-aalalang tanong nito.

"Mas mabuti na iyon kaysa naman araw-araw kaming nag-aaway ni inay kapag nagkikita kami," sagot ko habang patuloy na nag-iimpake.

"Pero sabi ni inay hindi mo na raw tutustusan ang pag-aaral ni kuya Mikael. Nagkakagulo sila sa ibaba kasi pinipilit ni inay si itay na ipabawi mo ang sinabi mo pero hindi naman kumikibo si itay. Para bang okay lang sa kaniya na umalis ka o okay lang sa kaniya na tanggalan mo na ng allowance si Kuya Mikael?" tanong nito at naupo sa kama ko habang pinapanood ako sa ginagawa ko.

"Maybe both."

"Pero saan ka tutuloy? Aalis kana b