Chapter 63

Alas diyes na nang umaga nang bumangon ako mula sa kama. Nang pakiramdaman ko ang sarili ko ay wala na akong lagnat pero medyo sinisipon pa ako.

Mabilis akong bumangon sa kama. Wala na ang bigat na nararamdaman ko kanina, siguro dahil nakainom na ako ng gamot bago ako matulog ulit. Tahimik sa buong kabahayan nang lumabas ako. Nagtungo ako sa kwarto ni Love para tingnan ito pero wala ito doon kaya bumaba na lang ako sa first floor.

Nasaan naman kaya ang anak ko. Wala naman akong makita maliban sa mga katulong na abala sa mga gawain nila.

"Nasaan si Love? Nakita n'yo po ba?" Tanong ko kay Manang nang makita ko siyang pumasok mula sa back door.

"Sinama ng mama n'yo. May bibilhin lang daw pero babalik din daw sila agad," sagot nito.

Tumango naman ako dito. Nagtungo ako sa kusina para humanap ng makakain. Medyo kumakalam na rin ang sikmura ko dahil soup lang ang naging agahan ko.

Napangiti ako nang may makita akong fried liempo at ginisang ampalaya. Paborito ko ang ginisang ampalaya lalo n