Chapter 22

Tulog pa din si Ely. At medyo may tampo si Cory na mag uumaga na umuwi ng bahay ang asawa. Habang pinapakain ni Cory ang anak ay hindi niya maiwasan na hindi titigan ito. Magtatatlong taong gulang na ito. At mas lalong nakita sa mukha nito si Ely. Girl version talaga si Calli ng asawa.

"Nay, si Tatay po?" tanong ni Calli.

"Tulog pa."

"Laro po kami mamaya, ha" masiglang sabi pa ni Calli.

"Baka pagod si Tatay. Kaya hindi muna puwedeng makipaglaro si Tatay kay Calli. Pero may suggestion si Nanay" wika ni Cory habang mataman na nakatingin ang anak sa kanya. At hinihintay ang huling sasabihin nito.

"Gusto mo bang sumama kay Nanay. Punta tayo ng supermarket. At ibibili kita ng ice cream" masaya na dugtong ni Cory. Nanlaki naman ang mga mata ni Calli.

"Talaga po, Nanay?" tumango tango naman ng ulo si Cory sa anak.

"Ready ka na ba, Anak? Aalis na tayo" tanong ni Cory.

"Opo, Nay" magalang na sagot ni Calli.

"Hawak ka na sa kamay ni Nanay" utos ni Cory sa anak at iginiya ang anak pa palabas ng