Chapter 57

Pauwi na si Ely nang bahay. Kahit paano ay nabunutan siya ng tinik nang makita ang asawa. Malungkot lang na naging ganoon kasama ang naging karanasan ni Cory sa ibang tao.

"I promise, Baby. Pagbabayaran nilang lahat ng ginawa nilang kahayupan sayo! Hindi ako titigil hangga't hindi mo nakakamit ang hustisya" usal na pangako ni Ely. Matalim na tingin ang naipukol niya sa daan.

Nakarating na siya nang bahay. Madaling araw na. Tiyak na tulog na ang mga anak. Pagkapasok sa loob ng bahay ay dire diretso siya sa taas sa kuwarto ng mga bata.

Una niyang pinuntahan ang kuwarto ni Calli. Dahan dahan niyang pinihit papasok ang seradura ng pinto. Nakita niya ang anak na mahimbing nang natutulog. Agad na nilapitan ni Ely ang panganay na anak. Umupo sa gilid ng kamay at hinaplos ang buhok ni Calli. Saka kinintalan ng halik sa pisngi. Tumayo na siya at inayos ang kumot ni Calli. Saka umalis sa kuwarto ng panganay na anak.

Sumunod na pinuntahan niya ay ang kuwarto ng bunsong si Elias. Ang kuwarto ng a