Chapter 21

Chapter 21

Dream Adelone Cortes

NAGISING ako dahil sa pagkalam ng sikmura ko. Dahan-dahan akong bumangon at tiningnan ang hindi pamilyar na paligid. Napangiti ako nang mapatingin sa bintana at nakita ang mga puno at bundok.

Tumingin ako sa pintuan nang bumukas ito. Pumasok si Blaze na kumakamot ng batok. Naupo siya sa tabi ko matapos halikan ang pisngi ko. “Nagluto ako.”

Nagulat ako. Nagluto? “Marunong ka?”

Napangiwi siya. “Iyon na nga e. Nasunog ng konti.”

Tumawa ako saka tumayo. Sabay kaming lumabas ng kwarto at pumunta sa kusina. Natutop ko ang bibig ko nang makita ang kalat sa kusina. Nilingon ko si Blaze. “Hala, Blaze, baka makagalitan tayo ng may-ari ng cabin.”

Bahagya siyang ngumuso. “Hayaan mo na.”

Nilapitan ko ang pagkain na nakalagay sa mesa. May spaghetti na maputla at halos madurog na. Nalabog ang pagkakaluto niya ng pasta at kinulang sa sauce.

“