Chapter 26.3 - Meet the Father cont.

"Bakit ang anak ko pa? Marami naman iba riyan. Naririnig ko na isa ka sa pinagkakaguluhan sa kumpanya ko kaya ibig sabihin lamang no'n ay maraming babae ang naghahabol sa'yo. Kaya bakit sa lahat ay anak ko pa?"

"Bakit hindi ang anak mo? Ano ang masama kung sa lahat ay si Serenity ang piliin ko?"

"Hindi kaya na ginagamit mo lamang ang anak ko para sa mga personal mo na ambisyon?"

Isang tanong iyon na alam ni Zane na lalabas sa usapin nila na ito at handa siya na sagutin ang tanong na iyon ng matandang Enriquez. "Kung iyon man ang raosn ko, kung iyon nga ang ambisyon ko, sa tingin mo ba ay mananatili pa ako na empleyado mo? Hindi ba dapat ay nasa malayo na kami ng anak mo at nagpapakasasa sa pera mo?"

Hindi man galing sa mayaman na pamilya si Axel Salvacion pero nabasa niya sa profile nito kung paano nagsikap ang lalaki upang makapagtapos sa pag-aaral. At kung iyon nga ang katotohanan ay naaawa si Manolo para rito kung sa bandang huli ay magbago ang isip ng kan'yang anak at hilingin