Chapter 87 - A New Problem

"Senador Lardizabal, may bago tayong problema." Iyon pa lamang ang nasasabi ng tauhan ni Jaime sa kan’ya ay agad nang nagpanting ang tainga niya. Sa lahat ng ayaw niya na i-re-report sa kan’ya ay ang mga problema. Hindi pa nga siya tapos sa isa na alalahanin ngunit ito na naman at mukhang may nagbabadya na naman na panibagong suliranin para sa kan’ya na kailangan niya na solusyunan.

Padabog niya na ibinaba ang dokumento na hawak at saka umalingawngaw ang malakas na boses niya sa silid. "Ano na naman ang problema?! Wala na ba kayong iba na i-re-report sa akin kung hindi panay problema na lamang? Sawang-sawa na ako sa paghahanap ng mga solusyon sa problema na sinasabi ninyo! Kayo dapat ang gumagawa noon dahil binabayaran ko kaya para solusyunan ang mga problema ko at hindi ang iasa sa akin ang lahat! Lintik!"

Alam ng tauhan ng senador na magagalit ang amo niya lalo na at hindi lamang isang problema ang hatid niya na balita kung hindi dalawa ngunit mas lalo naman na hindi niya maaari na