chapter 33

NAPAAWANG ang mga mapupulang labi ni Amara. Nanlalaki ang kanyang mga mata habang nakatitig sa lalaki at babaeng nakatayo sa gilid ni Zach. Hindi siya maaring nagkakamali, ito ang babaeng nakikita niya sa restaurant. Bumaling ang paningin niya sa lalaki, pababa sa mga kamay ng dalawa na mahigpit na magkahawak kamay. Napasinghap siya, pagkatapos nag-iwas siya ng tingin. Hindi man niya nakikita ang kanyang hitsura pero ramdam niyang nagkulay kamatis na ang kanyang buong mukha dahil sa kahihiyan.

Mayuming ngumingiti sa kanya ang dalaga pero hindi nitya magawang suklian ang ngiti ni Kaitleen dahil mas namayani sa kanyang sarili ang labis nakahihiyan. Samkantalang seryoso lang ang mukha ni Zeus. At si Zach naman ay tila naguguluhan sa mga nangyari.

“What do you mean, Bro?”

Sumulyap muna si Zeus kay Amara bago humarap sa pinsan. Mariing kinagat ni Amara ang kanyang pang-ibabang labi.

“Kanina nakita ko siya na pumasok sa restaurants na pinagkainan namin. Umiiyak habang pinagmasdan ka