KABANATA 25

JANE'S P. O. V

Finally, I'll be going out from this facility!

Dahil oo, ngayon na nga ang araw na madi- discharge na ako sa ospital! Ilang araw din ang itinagal ko dito. Mahigit isang linggo pa yata. Pero buti na lang at nandiyan sina Athena, lalo na si Manong para bantayan at pasayahin pa rin ako kahit papaano. Dahil sa kanila, hindi ko masyadong inintindi ang pananatili ko. At hindi ako gaanong inatake ng lungkot at takot. They just made me feel like I am in an ordinary room. And not in a health care facility like this.

"Handa ka na bang makita ulit ang mundo, Manang?"

Imbis na maasar ay napangiti ako nang marinig ko ang boses ni Manong.

"Sobrang handa na. I can't wait to travel again and---"

"Sorry to burst your bubbles, Miss. Pero hindi ka na allowed umalis mag isa." putol niya sa sasabihin ko.

Mabilis naman akong tumango bilang pagsang ayon sa sinabi niyang iyon.

"After all that happened to me last time? Asa ka na maglakas loob pa akong umalis ulit ng mag isa." sabi ko pa.