CHAPTER 15

Sa mini kitchen area ng opisina dumiretso si Loisa nahihiya siyang makita ni Ciara ang kanyang namumulang pisngi dahil sa ginawang paghalik ni Steve sa kanyang noo kanina. Hindi niya maitindihan ang nararamdaman sa halip na magalit ay parang natutuwa pa siya sa ginawad na halik ng among lalaki.

“Bakit niya ako hinalikan sa noo at bakit kaya siya nag-request na i-accept ko siya sa I-book hindi kaya may gusto siya sa akin, Ay! Erase-erase masyado naman akong assuming,”nakangiting saway ni Loisa sa sarili.

“Bakit hindi ako nagalit ng humalik siya, may gusto na ba ako kay Sir Steve?”Nahihiya pa niyang tanong sa kanyang replica sa salamin.

Mahina niyang tinapik-tapik ang mga pisngi habang nakatingin sa salamin. Hanggang ngayon hindi pa rin siya makapaniwala sa ginawang paghalik ng kanyang amo sa kanyang noo. Kinikilig pa rin siya pakiwari niya nasa kanyang harapan pa rin ang lalaki. Kung ‘di nga lang siya nakapagpigil kanina baka siya na mismo ang humalik sa mga labi nito.

“Ay naku ang las