Kabanata Fifty-Seven

ILANG ARAW na ang lumipas nang maiburol si Lola Linda pero hindi pa rin ako natitigil sa pagdalamhati sa kanyang pagkawala. Ang sakit. Ang hirap. Hindi ko matanggap na wala na siya. Hindi matigil ang pagragasa ng mga alaala namin ni lola sa aking isipan. Mga ngiti ni lola na pumuno sa aking pagkatao. Mga maiinit na yakap niya na bumabalot sa tuwing malamig ang palagid at kapag may sakit ako. Mga pangaral at pingit niya sa akin na nagturo ng malaking aral sa akin hanggang sa ako’y lumaki. Lahat ng iyon ay wala na. Wala na si lola.

Muling bumuhos ang aking luha sa mga alaalang pilit na nanunumbalik sa aking isipan na mas lalong dumudurog sa akin. Mas lalo pa akong dinurog nang makita ko ang kanyang mga akda na labis kong minahal at nagustuhan. Mga lumang pag-ibig na pinakilig ako. Mga aral ng nakaraan na tumatak sa aking isipan.

“Bakit lola?” naghihinagpis kong tanong sa ere.

Habang narito ako sa kanyang k’warto mas pinapatay ako ng masasayang alaala namin. Ang boses