Chapter 25

Pagkatapos ng halos isang araw na paglipad ng eroplano ay nakarating na kami sa Pilipinas, sa wakas. Sobrang lapad ng ngiti ni Ruairi habang nakasakay kami ng taxi papunta sa bagong bili niyang dalawang condo unit sa ciudad ng Makati. Nagulat pa ako noong sinabi niyang sa akin daw 'yong isang binili niya. Syempre tinanggihan ko kasi kahit palagi ko siyang sinusungitan, may hiya pa rin naman ako sa katawan. Pero ang loko hindi tinanggap ang pagtanggi ko.

"Tanggapin mo! Para naman hindi sayang 'yong ginastos ko para sa condo mo."

Napahawak ako sa dibdib ko. "Wow! Para namang ako pa ang nag-utos sa'yo na bilhan mo ako ng isang mamahaling condo sa Makati!"

Tinawanan lang ako ng gago. Napabuntong-hininga lamang ako. Pwede naman akong mangupa sa mga maliliit na apartme