CHAPTER 38

Halos ilang minutong nakausap ni Fiona ang kanyang kapatid, maging ang kanilang inang si Francheska. Sa kabila ng kayrami niyang isipin ngayon sa nangyayari sa pagitan nilang dalawa ni Randall ay hindi niya maiwasang magalak nang marinig niya ang mga ibinalita sa kanya ng Kuya Lucas niya.

Their father, Jake, was finally okay now. Sumailalim pa muna ito ng ilang therapy dahil na rin sa matagal itong naratay dahil sa pagkaka-coma. Ganoon pa man, siniguro ng mga doktor na maayos ang lahat sa kanilang papa at walang kailangan ipag-alala. Wala daw 'di umanong pinsala sa utak ni Jake dahil sa aksidenteng nangyari dito.

Ikinatuwa niya ang mga nalaman, iyon ay sa kabila ng katotohanan na nakadarama siya ng lungkot dahil sa nangyayari sa sarili niyang buhay.

Paglipas ng ilang saglit ay nagpaalam na rin ang kanyang ina at kapatid. Gustuhin niya mang makausap ang kanyang ama ay kasalukuyan daw itong natutulog kaya hindi na siya nagpumilit pa.

Naputol na ang tawag at hawak na lamang ni Fiona sa