Chapter Twenty Three : First Day

Nakailang hugot at buga ng hininga si Thera habang nag-iipon ng lakas ng loob na lumabas ng banyo. May ilang minuto na siyang tapos maligo at nakabihis pero hindi pa rin niya makuhang lumabas.

Nabistahan na niya ang loob ng condo kanina. Partikular ang kama na nasa gitna ng kuwarto. Double bed. Si Sean mismo ang nagpalit ng bedsheet bago ito naligo kanina.

Ano ba ang naisip niya noon para bumili ng ganoon kakipot na kama? Kung hihiga sa tabi niya si Sean, tiyak na magmumukhang single bed ang higaan.

Inalok niya si Sean noon na matulog sa tabi niya. Ni wala siyang naramdaman kahit kaunting pag-aalangan, bakit ngayon, para siyang sinisilihan?

Pa-treinta ka na, Thera, hindi seventeen. Bakit kung umarte ka, parang teenager pa rin? pagkausap niya sa sarili.

For the nth time, nagbuga siya ng hangin sa baga. Masyado siyang nag-o-overthink, baka nga sa couch pa matulog ang lalaki imbes na tumabi sa kanya.

Binuksan ni Thera