CHAPTER 73

NANGANGATAL ang buong katawan ni Samantha matapos makausap ang maid ni Gabriel na si Manang Rosa.  Bago ito maging kusinera ni Gabriel ay naging yaya muna niya ito ng sampung taon kaya nasa kanya ang loyalty ng matanda.

            Hindi siya makapaniwala sa ibinalita nito sa kanya.

            Totoo nga ang tsismis na nagkabalikan na si Gabriel at si Olivia at ngayon ay ibinahay na naman itong muli ng kanyang pinsan.  Ngunit ang mas higit na ikinagagalit niya ay ang malamang may anak na ang mga ito.

            Naalala niya ang baby sana nila ni Edward na namatay nuong ipinagbubuntis niya.

            Muli na namang nabuhay ang matinding galit niya sa babaeng naging sanhi ng pagkamatay ng kanyang anak at pagkasira ng relasyon ni