CHAPTER 90

INILIHIM na muna ni Olivia kay Gabriel ang tungkol sa paghahanap niya sa kanyang ama.  Ayaw na niyang dagdagan pa ang isipin nito since abala ito sa pagpapahanap sa kanyang ina at step-father.

            Nangangatal ang kanyang mga kamay habang gumagawa ng email para kay Anthony Reid. Natatakot siyang baka hindi naman siya nito i-aknowledge bilang anak. What if nakalimutan na siya nito?

            Pero gusto talaga niya itong makita.

            Marami siyang gustong itanong dito.

            Isa pa, gusto na niyang mabigyan ng closure ang lahat ng kanyang nakaraan para tuluyan nang maghilom lahat-lahat ng sugat na nasa dibdib niya.  Gusto na niyang mawala ang lahat ng galit at kinikimkim niyang sama ng loob.