JEALOUSY

KUNOT NA KUNOT ang noo ni Cougar habang pinagmamasdan niya si Adrielle na balewalang ngumunguya ng mansanas habang tinatahi ng kakilala niyang doctor ang sugat nito sa balikat. Bumuka ang sugat nito dahil napuwersa nang umakyat ito sa punong mangga para kunin ang alagang pusa ni Xenia, ang pitong taong gulang na apo ni Nanay Tilde, ang kanyang katiwala sa farm.

"What were you thinking, Allie?" muling tanong niya sa babaeng sinulyapan lang siya. Minsan talaga ay gusto na niyang isilid sa sako si Adrielle dahil sa katigasan ng ulo nito.

Limang tahi na lang at tapos na tayo," turan ni Doctor Ignacio na bakas sa tinig ang pag-aalala.

Nagkataon kasi na naubusan ng anesthesia ang clinic nito at mamayang tanghali pa darating ang bagong supplies. Kahit pa panay ang paghingi ng paumanhin ng kaawa-awang doctor dahil sa pag-aalalang baka mawalan ng malawan ng malay ang pasyente nito dahil sa sakit.

Napailing na lang si Cougar. Mukha kasing hindi naman apektado si Adrielle dahil tila komportab