Kabanata 28

"O-oh. Hinay hinay lang, Anna baka mabulunan ka." Si Keith.

"Huwag mo 'kong pigilan! Nag e-emotional eating ako!" Wika ko habang sunod-sunod ang subo ko ng kanin.

"Ibang klase," rinig kong bulong ni Aziel.

Nang maubos ko na ang pangatlo kong serve ng kanin ay nagtaas ulit ako ng kamay nang makita ang waiter na may dalang unli rice. Laglag ang pangang nag-angat sa akin ng tingin ang dalawang mag-jowa sa harap ko. Gutom ako at the same time naiinis dahil sa nangyari kanina. Ang kapal ng mukha noong lalaking 'yon! Isa pa, wala namang bayad ang unli rice nila, ah!

"Isa pa nga, please."

"A-ah, heto po."

I smirked. "Salamat."

<