Chapter 28

Hindi pa rin matigil sa bilis ng tibok ang puso ko ngayong nakikita si Aries sa harapan namin. Paano niya nalaman ang lugar na ‘to? Sa pagkakaalala ko ay hindi ko siya tinext na pupunta ako kay Cali. Ang alam lang niya ay mag-g-guest ako sa isang tv show.

Hindi pa rin sumasagot si Aries pero nanatiling masama ang tingin nito sa amin na para bang ang laki ang kasalanan na nagawa namin sa kaniya.

Until I feel Cali’s hand lightened. Naramdaman ko pang inilapit nito ang bibig sa kaliwang tainga ko saka bumulong.

“Lagot ka.”

Napapikit ako ng mariin dahil sa sinabi nito. Hindi nakakatulong! Mas lalo pang sumama ang tingin ni Aries nang makita ang pagbulong ni Cali! Pero ang gago, narinig ko pa ang mahina nitong pagtawa na para bang pinipigilan ‘yon.

“How about you, Sachiko, what are you doing here?”

Nakagat ko ang pang-ibabang labi ko sa tanong niya. His tone was like he’s suspecting me!

“N-nagkayayaan lang.” Shit! Bakit ba ak