Chapter 91

“Haaay... sana Friday na!” sabi ko kay Aveera nang lunch time, “Sana nasa bahay na `ko kasama si Louie!”

“Ugh... Sana nasa ibang lugar ako, `wag lang dito.” sabi naman ni Aveera na umiwas ng tingin sa dalawang naglalambingan sa harap namin.

“Hindi pa ba ubos nasa bibig mo? Subo ka pa nito... Ah~” sabi ni Rome habang kapit ang punong kutsara sa bibig ni Jinn.

“Shandayi, pungu pah” shagot ni Jinn na namumulunan ang bibig.

Miyerkules na, nakapasok din sa wakas si Jinn matapos ng ilang tests at interrogations mula sa mga pulis.

Kasalukuyan s’yang nagpapasubo kay Rome dahil naka benda pa ang isa n’yang braso.

“Bilisan mo nguya! Inom ka ng tubig! Lumunok ka na! Dali, nangangalay na braso ko!”

Uminom nga ng tubig si Jinn gamit ang kanang kamay n’ya.

”Ayan, subo na ko, ahhn~”

Feel na feel n’ya ang pamba-baby sa kan’ya ni Rome!

”T-tandaan mo, ha! Ngayon lang `to dahil `di mo magamit ang kaliwang braso mo!” pagpap