KABANATA 47

"Ate!"

Tapik sa mukha ko ang nagpabalik sa akin sa huwisyo ngunit nahihirapan pa ring lumanghap ng hangin.

Tumango lamang ako upang hindi ito mag-alala. Ngunit humigpit din ang kapit ko sa braso niya.

"Lagot ako kay Sir West nito," dinig kong bulong niya bago ako alalayan paupo.

"Inom ka muna, Ate."

Inabot ko ang bottled water at agad na uminom doon. Naninikip pa rin ang dibdib ko sa amoy. Naiwan pa ang amoy ng dalaga kaya pakiramdam ko ay pinipiga pa ang ulo ko.

"May alcohol ka ba Nikki?" mahinang tanong ko.

"Meron, Ate. Bakit?" Nilabas nito ang alcohol.

Kinuha ko iyon at agad na nagwisik sa paligid. Kahit paano ay natabunan ang amoy ng pabango ng babae sa amoy ng alcohol. Doon lamang ako nakahinga nang maluwag. Gumaan ang pakiramdam ko at nawala ang sakit ng ulo ko.

"Salamat. Nahilo kasi ako sa pabango niya," tukoy ko sa dalaga. Inabot ko ang alcohol sa kanya ngunit linapag na, lang niya iyon sa mesa.

"Malakas n