KABANATA 69

Kumakabog ang dibdib ko at natutuliro ang isipan ko sa takot na baka malaglag ang baby ko. Nagpapanic ang kalooban at hindi na pinapansin ang sinasabi niya.

Gusto kong magpunta na sa ospital.

"Bakit ako mag-so-sorry?! Dapat nga ay bayaran pa ninyo ako! Abala kayo masyado!"

Natutulala ako at bumibigat ang sariling paghinga. Hindi ko na maproseso ang sinasabi niya. Mahigpit ang kapit nito sa braso ko ngunit hindi ko iyon alintana.

Ramdam ko ang pagdaloy ng dugo mula sa sugat ko sa paa. Pero hindi ko rin iyon inaalala. Mas natatakot ako sa sakit ng puson ko at sa nararamdamang basa sa underwear ko. Alam kong dugo kaya mas dumodoble ang kaba ko.

Nanginginig ang kamay at tuhod ko kasabay ng malamig na pawis sa aking noo.

"Frey?!"

Tuluyan ng nangilid ang luha ko matapos marinig ang boses ni West. Naguguluhan ito ngunit nataranta matapos makita ang dumudugong sugat ko sa paa. Tumalim ang mga mata nito sa ginang matapos makita ang higpit ng h