CHAPTER 49

DAYS had passed. At ang araw na hinihiling niyang huwag dumating ay dumating na. Abala sila ngayon ng kan'yang ina sa back stage. Si Shawn naman ay naroon na sa labas nakaupo. Sa may harap talaga puwesto ang lalaki para raw makita siya nito nang buo.

"Kinakabahan ako, ma." bulong niya sa kan'yang ina. Tinawanan lang siya nito saka pinisil ang kamay niya. Nag-hire pala si Shawn ng make-up artist kaya naman hindi siya namroblema. May taga ayos din naman siya.

Walang nakakaalam kahit na sino sa mga kapitbahay nila noon na narito siya at sasali ulit. Napagpasyahan din naman nila ng kan'yang ina na dito na lang muna sa dating bahay nila magpalipas ng gabi.

"Huwag kang kabahan. Isipin mo na lang na sila-sila pa rin naman ang manonood sa iyo." alam niya kung ano ang tinutukoy ng kan'yang ina pero hindi naman iyion ang pinoproblema niya kung 'di si Shawn. Nanonood ito ngayon at sana lang hindi mawala sa isipan niya ang mga ginagawa niya. "Ma, katulad ng dating gawi, sa