CHAPTER 80

SOBRANG higpit ng naging yakap ni Yesha sa kaniyang ina. Wala ni isang salita ang namutawi sa kaniyang bibig. Hindi rin naman nagtanong pa ang nanay sa kaniya.

"Ma, puwede bang umuwi na tayo sa bahay natin dati?" puno ng luha na tanong niya sa kaniyang ina. Bakas naman ang gulat sa mukha nito. "Gusto ko pong ibalik ang lahat ng ito kay S-shawn." sobrang hirap para sa kaniyang banggitin ang pangalan ng lalaki dahil para siyang tinutusok ng karayom sa tuwing maaalaa niya ito.

"Ano ba talaga ang nangyari anak?" ngayon lang ulit nagkaroon ng lakas ng loob ang kaniyang ina na magtanong pero siya hindi pa yata niya kayang sabihin dito na wala na sila. Na break na sila. Na wala nang Shawn sa buhay niya. Na 'yong nag-iisang lalaki na minahal niya ay nagawa siyang ipagpalit at lokohin para sa iba.

"M-ma, puwede po bang umuwi na tayo sa atin?" tumango ang nanay niya at isang matagal na halik sa noo ang iginawad nito sa kaniy