SPYING

Nakangiting umiling si Mhia pagkaraan ng ilang sandali. “Hindi siguro talaga para sa akin ang pagkakaroon ng relasyon,” sambit niya. Kahit ayaw niyang maging bitter, ganoon pa rin nag kinalabasan ng tono niya.

“I’m sorry. . .” pabulong na wika ni Tiffany.

Napatingin siya rito. Nababasa niya ang sinseridad sa mga mata nito. At silang dalawa lang ni Tiffany ang nakaaalam kung para saan ang paghingi nito ng tawad sa kaniya.

Natawa siya Adreianne. “At bakit ka naman nag-s-sorry kay Mhia? May nagawa ka bang kasalanan sa kaniya?” tanong nito.

Alanganing ngumiti si Tiffany sabay iling. “Wala naman.” Kumuha ito ng isang baso at nagsalin doon ng wine. Iniabot nito sa kanila ni Adreianne ang dalawang baso. “Can’t we just enjoy this evening? Minsan na lang ito mangyari kaya susulitin ko na,” dagdag pa nito.

“Alright. . . Cheers!” Itinaas ni Adreianne ang kaniyang wine glass sa ere.

“Cheers!” sabay nilang wika ni Tiffany.

Habang lumalalim ang gabi, mas marami pa silang nagpag-uusapan. Kalimitan,