Chapter 31:

BAGO kumatok ulit si John sa opisina ni Kana, tumingin muna siya sa orasan. Matagal pala siya bago bumalik. Kaya naman pala nawala na sa mood si Kana Ayaw na siya nitong pagbuksan. Maraming beses na siyang kumatok pero hindi man lang ito tumayo. Kahit nga salita ay wala siyang narinig dito.

Bumaba siya at hinanap ang manager.

“Wala ka bang susi ng opisina ni Kana?”

“Naku! Si Ma’am lang po ang may hawak ng susi niya. Bakit ba?”

“Sa tingin ko, mag-isa siyang umiinom. Ang dami no’n, a,” aniya rito. Kaya nga siya nito niyaya kanina dahil sa dami. Kaso ngayon, nagbago na ng isip ito. At nag-aalala siya para sa dalaga.

“Ayon lang.” Napaisip ito mayamaya. “Sandali at tawagan ko sa number niya.”

Sumang-ayon siya rito at hinintay kung sasagot ang dalaga. Pero wala ring response dito. Kaya naman bumalik siya at muling kumatok.

“Kana, buksan mo ‘to!” Pinakinggan niya kung merong yabag na papalapit, ngunit wala pa rin. Hinintay niyang umabot pa ng dalawang minuto bago ulit kumatok. “Kapag hindi m