Her Mafia King Husband 43

KELVIN CLYDE

IDADAAN ko si Kayleigh sa school bago ako pumasok sa opisina ng makita kami ni Kaye na magkasama na palabas ng Mansion ay hindi ako nito tinigilan na hindi siya isama.

“Rita, ikaw ng bahala sa Ma'am Claire mo. Ibigay mo sa kaniya ang inihanda kong pagkain para sa kaniya.”

“Sige ho, Sir.”

Mabilis akong sumakay sa driver seat habang nasa bisig ko si Kaye samantalang nasa backseat naman si Kayleigh. Pinaupo ko ito sa kandungan ko at nagsimula ng magmaneho at idinaan ko na si Kayleigh sa school.

“Bye, Papa! Bye, Baby Kaye!” Kumaway sa amin si Kayleigh.

Nakangiting itinaas ko ang kamay ko. “Bye.”

Nagbaba ako ng tingin kay Kaye na nakayakap sa akin. Wala itong imik at mukhang wala itong balak na pansinin si Kayleigh. Hinalikan ko siya sa noo bago pinasibad ang sasakyan ng makapasok na si Kayleigh sa loob ng school.

Hindi ako sanay na tahimik ang anak ko kaya idinaan ko muna sa Jollibee drive thru. Itinabi ko saglit ang sasakyan at pinakain ko ang anak ko.

“Yummy!”

“One more?” I