Kabanata 21

“Erica, ano ba! 'Wag mo na nga silang pansinin, alam mo namang papansin talaga ang mga 'yan,” pigil sa akin ni Myra, pero hindi ko na pinansin. Nagpatuloy ako sa paglalakad at talagang malalaki ang hakbang ko.

Alam kong hindi dapat ako maging-involve sa issue nila, pero kinutuban kasi ako habang tanaw ang mga impakta na nagkakagulo sa cottage. Na kay Justin lahat ang tingin nila na ulo na lang ang nakikita habang kumukumpas-kumpas ang mga kamay. Alam ko na totoong nalulunod siya at hindi nagloloko lang.

“Erica, ang tigas talaga ng ulo mo,” inis na sigaw ni Myra, pero alam ko namang sinundan niya ako. “Erica, ang kamay mo,” rinig ko pang sigaw niya, as I dived into the water to save Justin.

“Kumapit ka,” sabi ko habang hawak na ang bawang niya.

Walang salita na sinunod ni Justin ang sinabi ko. Kumapit siya sa baywang ko, at alam kong nasa akin ang tingin niya. Alam kong nagugulo ang utak niya ngayon. Niligtas ba naman siya ng babae na tinatawag nilang nerd.

“Reynald, si Justin! Tul