Kabanata 67

“Anong klaseng tanong naman ‘yan, Myra,” sagot ko na parang naiirita. Syempre, ipagtatanggol ko ang kuya ko laban sa kaibigan kong bitter.

Paano naman kasi itong kuya ko, parang na kagat niya lang naman ang dila niya; hindi na masagot-sagot ang simpleng tanong ni Myra, lalo na ngayong nasa malapit na ito sa amin.

"Hayop nga may puso, Myra. Ito pa kayang kuya ko na asal hayop lang?” sabi ko na may kasamang nakakalokang ngiti.

“Bunso!” sikmat ni kuya. Agad naman akong nagtago sa likod ni Myra. Para kasing gusto akong tirisin. Tawang-tawa din kasi ito si Myra.

Pero napatawa ko naman siya sa harap ni kuya. Minsan nga lang kaya tumatawa itong si Myra kapag kaharap si kuya, aba ay laging tirik ang mata nito, lalo na kapag nagsusungit na itong kuya ko.

“Joke lang po ‘yon, Kuya Eman," sabi ko naman kalaunan. Pero nanatili naman ako sa likuran ni Myra. Ayokong maipit na naman sa kilikili niya.

“Mukhang hindi naman joke ‘yon," gatong naman nitong si Myra.

Umasim tuloy lalo ang mukha ni kuy