Chapter 21

"Wait here, I'll go back in the house to get my cigarette."

"Sure."

Pinanood ko si Maverick nang tumayo ito mula sa pagkakaupo sa mat at naglakad pabalik sa bahay. Walang pang-itaas na suot ang lalaki. Naka-boxer shorts lang ito as usual. 

"Tsk. Ang tigas ng balat. Hindi man lang nilamigan kahit kaunti."

Ibinalik ko ang tingin sa marahas na alon ng dagat at uminom mula sa hawak na lata ng alak. 

Maliwanag ang buwan sa kalangitan na nagbibigay-tanglaw sa puting buhangin at asul na karagatan. Maririnig mo rin ang malakas na hampas ng hangin sa paligid. 

Hindi ko alam kung ano na naman ang nakain ni Maverick at nagyayang mag-night swimming. Hindi pa ba siya nakontento kanina sa kabilang resort kung saan pinilit niya akong turuang mag-surf buong araw?

Inalog ko ang hawak na lata ng alak at tinanaw ang dagat.