Chapter 19

Nang hindi ko na matiis na tingnan lang sila sa malayo na parang magkasintahan ay nakapagdesiayon na akong lapitan sila. Nakangiti ko silang nilapitan sa kanilang mesa habang abala itong nakikipag-usap sa mga kasama.

Ilang hakbang pa lang bago ko makarating ang pwesto nila ay lumingon si Petrus sa akin. Nagkasalubong ang aming mga mata at base sa kaniyang itsura ay hindi nito inaasahan ang pagdalo ko.

Nasaktan ako sa aking nakita, hindi ko inaasahan na makita ko siyang gulat na gulat dahil nandito ako. At napagtanto kong hindi niya ako inimbita dahil sa babaeng ito. At kahit na hindi ko maintindihan ang sarili ay pilit kong pinapakalma ang aking nararamdaman. Kahit sobrang sakit ay pinigilan ko ang sariling komprontahin siya. Ngumiti ako at 'di nagpahalatang naaapektuhan.

"Petrus nandito ka pala akala ko hindi ka darating?" tanong ko rito at pinilit na ngumiti sa harap nilang lahat. Nagpanggap din ako na hindi napansin ang katabi niya. "Oh Salme nandito ka rin p