Axel & Thalia 18

Thalia's POV

PANAY tanaw ako sa labas ng bahay mula sa glass window sa second floor. Gandang-ganda ako sa paligid, lalo na sa dagat na kulay asul.

Hinanap ko sa buong bahay si Axel at natagpuan siya sa third floor sa loob ng movie room. "Ayaw mo bang lumabas?"

"Kakapasok lang natin."

"Sandali lang tayong lumabas kanina. Kinuha mo lang ang ibang gamit sa yate."

Sinamaan ko siya ng tingin nang mapansin na nakatuon sa malaking TV screen ang mga mata niya habang kumakain ng pringles.

"Hoy, Axel!"

"Ano bang gagawin natin sa labas?"

"E, nababagot na ako dito! Maligo tayo ng dagat."

"Hindi pa magaling ang sugat ko." Sa wakas ay nilingon niya na ako at inalok ng kinakain niya.

Sumimangot ako bago inabot ang lagayan ng pringles para kumuha ng chips. Ganoon na lang ang pagsigaw ko nang may makapang ibang bagay sa loob. Hugis bilog at mahaba, matigas at maugat!

"Oh, my God!"

Humagalpak siya ng tawa habang nasa dulong bahagi ako ng sofa. Nanginginig dahil sa matinding gulat.

"You're such a perver