Chapter 45

"Dylan!"

Wala sa sariling napatakip ako ng sariling bibig nang makitang bumagsak si Dianne sa sahig dahil sa sampal ni Dylan.

"Dylan, anong ginagawa mo? Huwag mong saktan ang bata." Mabilis ko siyang nilapitan at hinila palayo.

"Daddy?" Nagsimulang umiyak si Dianne. Pulang-pula ang mukha nito at walang tigil sa pag-agos ang mga luha.

Mabilis itong tumayo at tumakbo pataas ng hagdan para pumasok sa isang kuwarto. Agad itong sinundan ng yaya nitong si Rita.

Malalim na buntonghininga ang pinakawalan niya. "Hindi ko alam kung paano aayusin ang ugali ni Dianne. Akala ko, napapalaki namin siya nang maayos. Sa pagbibigay ng mga kailangan at gusto niya, inisip kong magiging mabuting bata siya. Pero maling-mali ang ginawa ko. Anong gagawin natin?"

"We should give her some time. Don't worry, pagtutulungan natin ito, okay?"

Nilapitan ko si Thalia at niyakap ito. Halatang nagulat din ito sa nangyari. Ayaw na ayaw ko nang nakakakita pa siya ng pagtatalo dahil hindi siya nasanay sa ganito.

Madalas