Damon & Luci 12

Damon's POV

LUMABAS mula sa kubo si Aling Guada at lumapit sa amin. Hindi na agad mapakali ang mukha nito.

"Guada, pumasok ka na. Ako na ang bahala dito."

"Hindi. Hindi puwede, Erning." Mula sa asawa nito ay bumaling sa akin ang babae. "Anong ibig n'yong sabihin kanina, sir? A-anong asawa mo si Laura? Nagmamakaawa ako, ipaliwanag mo po sa amin."

Nagbuga ako ng hangin habang nakatingin sa nag-aalala nitong mukha. "Hindi ko alam kung paano siya napadpad dito, pero asawa ko siya. At hindi Laura ang pangalan niya kundi Luci."

"Sir, imposible iyan. Anak namin si Laura. Hindi namin alam kung paano mo naisip na asawa mo siya pero—"

"Mukha ng asawa ko ang babaeng iyon! Sigurado akong siya ang asawa ko."

"Hindi!" nagtaas ng boses si Aling Guada. "Anak ko si Laura! Anak ko siya!"

"Guada, huminahon ka."

"Hindi, Erning. Anak ko iyon, anak ko!"

"Oo, anak natin si Laura. Huminahon ka na." Inilayo nito mula sa akin ang babae. "Linda, dalhin mo na sa loob ang inay mo. Pagpahingahin mo muna."

"Inay, p