Eros & Dianne 22

Dianne's POV

MAHABANG buntonghininga ang pinakawalan ni Tita Elena habang nakaupo sa sofa at nakaharap sa akin. Hindi na agad maipinta ang mukha nito.

"Tita, may dala po ako, chocolate cake." Nilapag ko sa ibabaw ng table sa pagitan namin ang box ng cake.

I tried to smile at her even though it's too obvious that she didn't want me here. Naiintindihan ko naman, pero umaasa ako na kagaya ni Eros, kapag nalaman niyang buntis ako ay baka gumaan din ang loob niya sa akin kahit kaunti lang.

"Gusto n'yo po bang ipag-slice ko kayo ng cake? Sandali lang ho. Ipagtitimpla ko na rin kayo ng juice—"

"Wala akong gana."

Natigilan ako sa akmang pagtayo dahil sa sinabi niya.

"Ganoon po ba? May iba ba kayong gustong kainin, tita? Ihahanda ko po para sa inyo."

"Bakit ka ba nandito?" Mula sa malayo ay bumaling siya sa akin.

Ngumiti ako bago inipit ang ilang hibla ng buhok sa likuran ng tainga ko. Kinakabahan ako kaya kung ano-anong ginagawang kilos ng katawan ko.

"Heto po, tita." Kinuha ko mula sa loob n