Eros & Dianne 56

Eros' POV

NAALIMPUNGATAN ako sa pagtulog nang makarinig nang impit na ungol mula kay Dianne. Nakatalikod ito mula sa akin kaya hindi ko makita kung gising siya o tulog.

Lumapit ako sa kaniya at sinubukan siyang ipatihaya. Natigilan ako nang makitang umiiyak siya habang tulog.

"S-Strawberry. A-anak ko... "

Matagal akong natigilan at nanigas sa kinahihigaan dahil sa narinig. Si Strawberry. Hanggang ngayon... nasasaktan pa rin siya sa nangyari sa anak namin.

"Dianne." Pinunasan ko ang mga luha sa pisngi niya.

Pabaling-baling ang ulo niya habang walang katapusan ang pag-agos ng kaniyang mga luha. Kahit tulog ay kitang-kita sa mukha niya ang sakit dulot nang pagkakawala ng aming anak.

"Strawberry ko... don't leave mama... "

Mariin akong lumunok at pinilit na kontrolin ang sarili kong emosyon. Pilit ko siyang ginising hanggang sa bumalik ang malay niya.

"Strawberry." Lalo pa siyang naiyak nang magising.

Mahigpit ko siyang niyakap habang inaalo sa likod. She hugged me back and continued cryi