Eros & Dianne 7

Dianne's POV

NAGISING ako sa loob ng kuwarto na hindi pamilyar sa akin. Nakapaligid ang mga doctor at nurse at may sinasabi silang hindi ko maintindihan. Mahina pa rin ang katawan at paghinga ko kaya kinailangan akong lagyan ng oxygen.

Muli akong nawalan ng malay. Sa muli kong paggising, tanging si Eros na lang ang kasama ko sa loob ng kuwarto.

"Gising ka na?"

Ngumiti ako nang hindi abot sa mga mata. "Disappointed ka ba?"

Sumama agad ang mukha niya sa sinabi ko. Akala ko, mamamatay na ako. Akala ko nga, mukha ni San Pedro ang bubungad sa akin ngayon. Pero ang guwapong mukha pa rin ng asawa ko ang nakita ko. Masaya na sana... kung hindi ko lang alam na dismayado siya dahil buhay pa rin ako.

"Buong araw kang walang malay, buong araw rin akong naghintay sa labas. Puwede ka na bang iwan ngayon?"

"Naghintay ka?" Ngumiti ako. "Nang dahil ba kay daddy? Inutos niya?"

"Ano pa ba?"

Humugot ako ng hangin at pumikit. Of course, hindi naman siya magtatyagang bantayan ako kung hindi inutos ni Daddy